ABUSO SEXUAL
A violencia sexual ocorre a través das presións físicas ou psíquicas nas que o agresor impón unha relación sexual non desexada. Entre o 70% e o 80% dos casos de abuso sexual non se denuncia. A vergoña, o medo a ser xulgada como culpable e a non ser crida fai que moitas vítimas non denuncien ou nin sequera o compartan con ninguén da súa confianza. Non falamos só de mulleres. Os nenos e nenas tamén son vítimas de abusos sexuais (a maioría das veces no eido familiar). Isto supón unha lacra para toda a vida. Xa en idade adulta, estas persoas chegan a consulta con diferentes patoloxías, que en ocasións teñen unha orixe que provoca culpa, vergoña e que se mantivo en silencio durante toda a vida.
ABUSO SEXUAL
A violencia sexual ocorre a través das presións físicas ou psíquicas nas que o agresor impón unha relación sexual non desexada. Entre o 70% e o 80% dos casos de abuso sexual non se denuncia. A vergoña, o medo a ser xulgada como culpable e a non ser crida fai que moitas vítimas non denuncien ou nin sequera o compartan con ninguén da súa confianza. Non falamos só de mulleres. Os nenos e nenas tamén son vítimas de abusos sexuais (a maioría das veces no eido familiar). Isto supón unha lacra para toda a vida. Xa en idade adulta, estas persoas chegan a consulta con diferentes patoloxías, que en ocasións teñen unha orixe que provoca culpa, vergoña e que se mantivo en silencio durante toda a vida.
Que consecuencias conlevan os abusos sexuais?
Existen moitas consecuencias derivadas de ter sufrido abuso sexual, tanto se este se produce en idade adulta como na infancia. Algúns síntomas son a culpabilidade, a baixa autoestima e o rexeitamento cara ao seu propio corpo, xa que se cre que foi o que provocou a situación. Isto leva en ocasións a trastornos de alimentación ou ansiedade, consumo de drogas, alcol, autolesións, maior illamento, condutas suicidas e disociación (unha das respostas adaptativas ante unha ameaza). A disociación inclúe unha variedade de mecanismos que axudan a desconectarse do mundo externo e a concentrarse nos estímulos do mundo interno. Isto implica evitación, entumecemento, fantasía, fuga, desrealización e despersonalización.
Terapia psicolóxica
En Orixe acompañamos a vítima de abusos sexuais para conseguir unha verdadeira reparación emocional do dano.
Sabías que…?
En España rexístranse oficialmente 4 violacións ao día.
Unha de cada cinco mulleres padeceu algunha forma de abuso sexual durante a súa infancia ou adolescencia.