MINDFULNESS EN ORIXE
Lorena Seoane é psicóloga e acreditada como instrutora en Mindfulness MBSR polo Instituto esMindfulness, unha institución afiliada á Universidad de Massachusetts. Esta é unha formación longa, profunda e acumulativa, que ademais require un compromiso persoal coa meditación. Todo un proceso necesario para desenvolver a capacidade como docente. Ao estar capacitada como instrutora, en Orixe ofrecemos cursos de 8 semanas de mindfulness e formación en mindfulness para empresas.
Que é mindfulness?
Mindfulness ou atención plena significa prestar atención de forma consciente á experiencia do momento presente, con interese, curiosidade e aceptación. Aínda que se adoita asociar ao budismo, non é unha práctica relixiosa, simplemente unha capacidade básica e humana de conexión co presente. É unha forma de tomar conciencia da realidade que nos dá a oportunidade de traballar co noso estrés, dor, enfermidade ou desafíos da vida.
Que é MBSR?
O programa MBSR® de Redución de Estrés baseada en Conciencia Plena foi creado por Jon Kabat – Zinn, quen en 1979 introduciu o mindfulness no Centro Médico da Universidade de Massachusetts. MBSR fai énfase na capacidade de parar e ver antes de actuar para aprender a desenvolver comportamentos máis eficaces e adaptados aos acontecementos.
Beneficios do mindfulness – MBSR
-
Cultivar a resiliencia, adoptando formas de ser e de actuar máis positivas.
-
Mellorar as emocións.
-
Reducir o estrés e a ansiedade.
-
Manexar a dor en caso de enfermidades crónicas.
-
Desenvolver a capacidade de atención e toma de decisións.
-
Mellorar habilidades de intelixencia emocional e social.
-
Conseguir maior presenza e mellor conexión coas persoas: empatía, confianza, capacidade de establecer vínculos e relacións.